工作不似預期,上月鴻心壯志說要完成工作才寫blog,結果到今天還未完成。期間發生很多事,壞scanner、壞電腦兼上不到ftp,真的黑過墨盒,最緊要係這些都不是遲交稿的好理由,現在凌晨還在趕工。不過,好消息是預計這兩天便會完成了!可口可樂!

http://hk.apple.nextmedia.com/realtime/news/20130429/51377600

最近看了「憤怒港女為咗幾蚊喪X司機」,主角Never Mind小姐真的是巴士阿叔的升級版。短片粗口橫飛,蘋果的後製用」來消音,有時」唔切,不過」左順耳好多,真的沒有辦法聽完原裝的版本。

短片的司機EQ太好了,不理會她之餘,又專心駕駛。讓我想起坐小巴時,我也遇過超級善心的司機。話說我坐紅Van由銅鑼灣去紅磡,由於第一次搭這條線,所以過左海底隧道就叫有落,誰知司機說過左站,沿途無得落,直入土瓜灣,於是我諗左一陣,就打算到觀塘總站落車。司機見我唔識路,所以說:「我返轉頭車你去紅磡啦,你兜咁遠有排先返到屋企!」當時離紅磡已經好遠,我心諗坐回頭車都好喎,司機真好人。

之後,原來司機「返轉頭」的意思係安排所有乘客坐後面的紅van,立即return(?)車我一個返轉頭。當時我開始有點驚,平日黑仔到爆的我,竟然咁好彩?!呢d不合乎常理的情節應該只發生o係電視劇,咪住先,一架不載客的紅van、孤男寡女、加上深夜劇情發展到呢度,通常會比人車到荒山野嶺,然後.....。我為求安全,打算同朋友講電話保持聯絡,點知電力不足,有無咁邪呀?
電視劇都無咁巧合啦,又唔知司機會唔會另有企圖.....(下刪三百字廢話)

咳咳....好彩我真係咁好彩,司機真係好好人車我去紅磡,十幾分鐘車程都有講有笑,雖然忘記當時說了甚麼,但在城市裡能碰上這
小巴奇遇,令我覺得司機不是想像中那般差。

***
上星期日由九龍塘去
土瓜灣,又是第一次搭這條線,竟然不能用八違通,於是我問司機搭車幾錢,司機說今天是義載,他們將當日所有收入捐出,為雅安地震籌款。小巴司機真的令人尊敬啊!我以後會多搭這條線。



創作者介紹

Littledraw

littledraw 發表在 痞客邦 PIXNET 留言(5) 人氣()


留言列表 (5)

禁止留言
  • Molly 公路之星
  • 我見香港大部分司機其實都幾好人的~~
    好少見到冇禮貌的~~
  • Hikaru25
  • 真係要好好提升EQ~去生存!
  • 亞U
  • 來探你.
  • Clive 小丘
  • 現在的年輕人, 除了罵街, 有點 EQ 的都好少了, 有行動力的就更少?
    除了非人之短, 自我強大, 有幾何檢討自己的所作所為?
  • Joe Man
  • 就算幾黑, 都是暫時的~ 人生總會遇見晴天啊!
找更多相關文章與討論